اسن یئل لر

منیم تانریم! او دردسیز دردیمه درمان ائدر یا یوخ؟ اسیرم درده، درد چکمه گیمی آسان ائدر یا یوخ؟ جانیم رشته سینه اود وورموشام، بیلمم ولی بیر گون بو اود جانیمی شمع بزم او جانان ائدر یا یوخ؟ اونا اظهار درد ائتدیم، امان هئچ بیلمیرم، یا رب منی بیر اعتنایا، لطفه او شایان ائدر یا یوخ؟ آجی جان وئرمه گیمی گؤر، سوروش ای یئل، او گول رخدان کی شهد وصلینی بیر دافع هجران ائدر یا یوخ؟ آهیم دلمیش داشی، قلبیم هله تیتریر سیزیلدیر کی منه بیر اعتنا او سست جه پیمان ائدر یا

دردیم دانیشمامیش دوداق آغلادی بولاق لا دردلشدیم بولاق آغلادی دوستلار گورنه دردایچینده قالمیشام باشیم درده دوشوب آیاق آغلادی ***** یولداشلار کوچدولر هر آیدان بیربیر خبرسیزقالدیلار بوتایدان بیربیر کرپیج لر دوشدولر سارایدان بیرییر دووارلار باغیریب توفاق آغلادی ***** آتلی لار گئتدیلر توزلاری قالدی گئدنلر گلمه دی ایزلری قالدی هامی نین یوللاردا گوزلری قالدی یوللادا سپیلن چاناق آغلادی ***** کورکدن ووردولار بئل یارالاندی دوداقدان ووردولار دیل یارالاندی ائله واخت